RSS

النت بيفصل عندك كل دقيقة ويرجع؟ إليك الاسباب المحتملة

16 ديسمبر

السلام عليكم

هل عندك مشكلة مضايقاك وهى انك كل شوية يفصل النت عندك بصفة مستمرة؟ يفصل الماسنجر لمدة ثانية ويرجع يعمل reconnect تاني من جديد؟ مع ان ايقونة النت ورك سليمة و الكونكشن بتاعك Connected ومعملش unplugged ولا اى حاجة ؟

المشكلة دي ليها اسباب كتير هناخدهم واحده واحده تتأكد منهم وان شاء الله هتتحل

  1. إتأكد ان كل التليفونات الارضية اللى فى بيتك متركب فيها فلتر لأنك لو مش مركب فلتر لكل عدة تليفون ممكن يأثر على خط النت بتاعك.
  2. كذا واحد قالى ومنهم واحد من خدمة العملاء قالى انه يفضل انك تركب السبلتر بتاعك فى اول طرف سلك التليفون اللى داخل بيتك يعنى مش تاخد حرارة التليفون من الفيش اللى بتبقى متركبة فى الحيطة لأنها ساعات بتعمل مشاكل , لا خد من السلك اللى طالع من بوكس التليفون عليك على طول مباشرةً.
  3. إتأكد من سلامة سلك التليفون بتاعك لأنه سلك ضعيف و بيتأثر بعوامل كتير مثل المطر وغيره.
  4. إتأكد من سلامة الاسبلتر بتاعك وانه نوع نضيف لأنها حصلت معايا قبل كده وكان السبب من الاسبلتر ودى ممكن تفوت على ناس كتير.
  5. إتأكد من الاعدادات configuration الخاصة بالراوتر بتاعك لانها لو متظبطه صح او حد لعب فيها ممكن تبطألك او تفصلك النت كل شوية. وعن تجربة
  6. يفضل انك تكون الوحيد اللى معاه باسورد الراوتر لتجنب المشاكل.
  7. إفصل الراوتر بتاعك و ريحه لفترة ويفضل انك تعمل كده بصفة دورية مش شرط يكون فيه مشكلة فى الراوتر علشان تريحه من الشغل.
  8. تأكد من خلو أجهزة المشتركين من فيروسات الشبكة مثل الفيرس الصيني بالذات لو مركب سيرفر الميكروتك النسخة المكركة .
  9. لوعندك راوتر تاني يفضل انك تجربه ممكن يكون العيب من الراوتر القديم عمره الافتراض انتهي او بقى يعمل مشاكل كتير بالذات لو الراوتر بتاعك نوعه ضعيف وطبعا كلنا بنفضل استخدام الRouters المشهورة زي الثري كوم 3com
  10. كده انا نسيت خطوة ولا حاجة ؟ لو نسيت حاجة قولوهالي.
    اتبع الخطوات دي واحدة واحدة و ان شاء الله المشكلة هتتحل وتذكر ان دايماً اى مشكلة مش بتتحل إلا بالتجربة العملية وبالخطوات .
    واخر خطوة ممكن تلجأ ليها هى انك تتصل بخدمة العملاء بتاعة شركة الانترنت بروفايدر وتقولهم المشكلة لكن قبلها افصل كل الناس عن الشبكة و وصل جهازك بالراوتر مباشرةً لأن دي اول حاجة الراجل بتاع الدعم الفني هيطلبها منك.
    يلا سلام عليكم
About these ads
 
2 تعليقات

Posted by في 16 ديسمبر, 2008 in مشاكل وحلول شبكية

 

الأوسمة:

2 responses to “النت بيفصل عندك كل دقيقة ويرجع؟ إليك الاسباب المحتملة

  1. اسامة فايز

    19 أغسطس, 2010 at 12:00 مساءً

    hالمشكلة على الرغم انى لوحدى و مدخل 1 ميجا من شركة اى تى داتا لوحدى من شهر 6/7/2010 و حتى الان 19/8/2010
    النت بيقع و بيفصل و دوخت و اتصلت مليون مرة بخدمة العملاء و هما يطلبونى ممكن بالخمس مرات فى اليوم و عملت البدع …..جربت كذا راوتر و كذا سبليتر و جيبت سلك جديد سواء للكابل الرئيسى او التوصيلات الداخلية و اتعرفت على ولد فى السنترال بص على وصلاتى فى البوس بتاع التليفونات اسفل العمارة قلى تمام و طلع عندى الشقة وراجع كل التوصيلات فللى تمام و برضوا النت بيقع خالص و ملهوش مواعيد ثابتة ممكن يشتغل ساعة او 5 ساعات ما له توقيت ثابت و مرة واحدة اللمبة تطفى و الدون لود يقف و يقعد كدة نص ساعة ممكن 3 ساعات و ممكن الليل بطوله و اقعد اطفى جهاز الكمبيوتر و الراوتر و اشيل فى سلوك و احط الكابل الرئيسى فى الراوتر و لا الهواء و بعد كدى ممكن بعد مدة يجى النت لوحدة و كل لما اتصل يقوللى كولتى الخط كويس و تمام و النت شغال …طب شغال ازى و و ايقونة النت (شكل الكمبتونر او التوصيل ) موجودة بس مفيش نت
    المهم فرمت الجهاز 3 مرات و حطيت الكاسبر ثم النورتن 2010 ….
    بالله عليكوا المشكلة اية ؟؟ اخر حاجة حطيت فيشة الراوتر فى الحيطة (مستقلة)زى ما قلوللى بلاش مشترك مع حاجة تانى …برضوا نفس المصيبة و الان بقوللى الكهرباء !!!
    ازى و انا كل حاجة تمام فى الشقة مفيش اى عيب كهرباء بيحدث من اول شاحن الموبايل حتى الثلاجة بيعملوا كويس و الحمد لله …يا جماعة اعتبر رسالتى دى استغاثة و ارجو الرد عليها و اسف للاطالة
    اعرفو المشكلة و دلونى انا و الله خلاص قطعت هدومى انا حاسس انى جيب مصيبة لنفسى بدخول النت لبيتى انا مش عارف يبقى عندى نت زى كل الناس حتى لمدة نص يو

     
    • xborhanx

      19 أغسطس, 2010 at 2:38 مساءً

      فعلا لو زى ما انت بتقول يبقى حاجة تحير بجد
      لكن ربنا يكرمنا وان شاء الله أفيدك
      يرجي الاتصال بيا فى اى وقت بعد صلاة التراويح بإذن الله وانا هرد عليك واستفسر منك على التليفون افضل
      و ربنا يقدم اللى فيه الخير
      0103764032

       

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s

 
تابع

Get every new post delivered to your Inbox.

%d bloggers like this: